Туркије го повика американскиот амбасадор во МНР

АНКАРА (АА) - Американскиот амбасадор во Анкара, Џеф Флејк, е повикан во Министерството за надворешни работи на Туркије, при што од него било побарано појаснување во врска со посетата на началникот на Генералштабот на САД, Марк Мили, на североистокот од Сирија, пренесува Анадолу.

Според информациите добиени од дипломатски извори, амбасадорот Флејк бил повикан во Министерството поради посетата на Мили на североисточна Сирија на 4 март.

Од амбасадорот Флејк беше побарано појаснување во врска со оваа посета.

- Посетата на Мили

На 4 март, Мили ги посети регионите под окупација на терористичката организација ЈПГ/ПКК во северна Сирија.

Во изјава за Анадолу, портпаролот на Генералштабот на САД, полковник Дејв Батлер, рече: „Генералот Мили ја посети северна Сирија за да се сретне со (американските) команданти и воени единици и ги оцени напорите за враќање на бегалците во нивните земји од бегалскиот камп во Хол.“