Турскиот министер Акар: „Турција очекува грчките соседи да се стремат кон мирни, политички решенија“

АНКАРА (АА) - Турција очекува од своите грчки соседи да се стремат кон мирни и политички решенија, а не кон агресивни, и да придонесат во напорите на Турција за решавање на проблемите, истакна турскиот министер за национална одбрана Хулуси Акар, јавува Агенција Анадолија (АА).

„Ние секогаш им кажуваме на нашите грчки соседи дека претпочитаме изнаоѓање политички решенија за проблемите преку мир, спокој и дијалог во рамки на договорите. Нашите грчки соседи, од друга страна, не се откажаа од провокативните изјави и агресивната реторика“, рече Акар при посетата на турските трупи во близина на границата со северна Сирија, каде што се испратени во антитерористички мисии.

Тој нагласи дека Турција продолжува решително да ги извршува своите должности за заштита на правата и интересите на нацијата во Егејот, Медитеранот и на островот Кипар.

Осврнувајќи се на мировните договори со кои заврши Првата светска војна и се поставија основните граници на Република Турција, Акар додаде: „Ова го велиме искрено. Тука е Договорот од Лозана (1923) и Парискиот договор (1920). Нашите грчки соседи имаат тенденција да ги игнорираат и занемарат дури и нив. Ова е неприфатливо.“

Во однос на милитаризацијата на Грција на егејскиот остров во близина на Турција, кршејќи ги договорите, Акар изјави: „Постојат острови кои со спогодбите имаат невоен статус. Страните го склучија договорот и рекоа: 'Овие острови не смеат да бидат вооружени, тие ќе имаат невоен статус, и ние се согласивме на ова.' (Но) сега тие се вооружуваат. Тие (Грците) велат: 'Постои закана.' Никогаш не постоела закана. Турција во моментов нема никаков агресивен однос кон Грција. Ние го нарекуваме тоа дијалог, меѓународни договори, закон, конвенции. Сепак, овој наш мирен пристап постојано се испревртува со провокативни изјави.“

За островите, помалите островчиња и гребените во Егејското Море, Акар рече: „Нашите грчки соседи имаат агресивен став и преку изразувањето своина и за нив.“

- Неодамнешнaта грчка политика за наоружување -

За неодамнешната трка на Грција да добие ново и скапо оружје, Акар рече дека Атина е среде трка за вооружување.

„Тие купуваат авиони, оружје, опрема. (Но) не е можно да се промени рамнотежата на силите со три или пет користени авиони“, рече тој.

„Турција продолжува да одржува консултативни разговори со Грција преку НАТО“, рече тој.

„Исто така, одржавме три состаноци, два во Атина и еден во Анкара, во рамките на мерките за градење доверба“, додаде Акар.

„Ние искрено ги покануваме да се одржи четвртиот состанок во Анкара. Очекуваме нашите грчки соседи да поддржат мирни решенија и на тој начин да ги направат Егејското и Средоземното Море мориња на мирот и да придонесат за благосостојбата на страните. Во спротивно, нема смисла Грција, која е во толку големи долгови, да нанесе удар на благосостојбата на својот народ со дополнителни трошоци. Ги поддржуваме народите на двете земји кои живеат во мир и просперитет во добрососедски односи. Целата наша работа е насочена кон ова.“

- Грција го прекршува договорот против воените вежби во текот на туристичката сезона -

Турскиот претседател ја осуди Атина дека го прекршува долгогодишниот билатерален договор за неодржување поморски вежби за време на туристичката сезона или националните денови и празници од обете страни.

„За жал, нашите грчки соседи го игнорираат ова и го прекршуваат“, рече тој, повикувајќи се на грчката навигациска тревога или Навтекс, за вежби за време на туристичката сезона и турските празници.

Според Меморандумот од Атина од 1988 година, меѓународните води на Егејското Море се надвор од границите за воена обука за време на туристичката сезона, од 15 јуни до 15 септември.

Тој истакна дека апелот на Турција за мир, меѓународно право и добрососедство не треба да се смета како слабост.

„Ние сме решени да ги заштитиме и чуваме нашите права и интереси на Егејот, Источниот Медитеран и Кипар, како и правата и интересите на нашите браќа и сестри од [турски] Кипар. Што и да треба да се направи во врска со ова, ние направивме и ќе продолжиме да го правиме тоа со одлучност. Никој нека не се сомнева во тоа“, рече тој.

Турција нема да дозволи никакво заобиколено остварување на нештата во регионот“, нагласи Акар.

„До денес ние ги немаме прекршено правата, ниту ќе го сториме тоа во иднина“, порача министерот Акар.