Merve Gül Aydoğan Ağlarcı
02 Септември 2021•Ажурирај: 03 Септември 2021
АНКАРА
Турските сили неутрализираа девет терористи на терористичката организација ЈПГ/ПКК во северниот дел на Сирија, соопштија денеска властите, пренесува Агенција Анадолија (АА).
Според турското Министерство за национална одбрана, терористите се обиделе да ја нападнат зоната каде беше реализирана операцијата „Извор на мирот“, каде што Турција изврши прекугранична антитерористичка офанзива.
„Нашите возила за противпожарна заштита реагираа ефикасно на терористите кои извршија напади врз регионот на операцијата „Извор на мирот“ од југ. Првичните извештаи покажуваат дека терористичките позиции биле директно цел, при што загинале најмалку девет терористи на ПКК/ЈПГ“, објави Министерството на Твитер.
Турските сили во текот на изминатите четири години изведоа неколку успешни антитерористички операции во северна Сирија, по должината на сириско-турската граница: „Штитот на Еуфрат“ (2016), „Маслинова гранка“ (2018) и „Извор на мирот“ (2019).
Во својата над 35-годишна терористичка кампања против Турција, ПКК, која се наоѓа на листата терористички организации на Турција, Соединетите Американски Држави (САД) и Европската Унија (ЕУ), одговорна е за смртта на најмалку 40.000 луѓе, меѓу кои и деца и жени. ЈПГ е сириски огранок на ПКК.
