Фидан: Геноцидот во Сребреница една од најмрачните страници на човечката историја

АНКАРА (АА) - Министерот за надворешни работи на Туркије, Хакан Фидан, прати порака по повод 28-годишнината од геноцидот во Сребреница, пренесува Анадолу.

„Им оддаваме почит на нашите браќа и сестри Бошњаци кои беа убиени во геноцидот во Сребреница пред 28 години, една од најтемните страници во човечката историја. Никогаш нема да заборавиме!“, напиша Фидан на својот профил на Твитер.

Денес на гробиштата на Меморијалниот центар во Поточари ќе бидат погребани посмртните останки на 30 жртви на геноцидот извршен во јули 1995 година врз жителите на „заштитената зона на ОН“ во Сребреница.