ИСТАНБУЛ (АА) - Турскиот министер за надворешни работи Хакан Фидан денес изјави дека Туркије има капацитет „и најважно одлучност да ги елиминира сите закани за нејзиното постоење од нивниот извор“, мислејќи на терористичката организација ПКК/ЈПГ, јавува Анадолу.
„Ништо нема да биде исто како порано. Стариот поредок нема да продолжи. Во новиот поредок во Сирија, никој нема луксуз да користи изјави со 'но' или 'сепак'“, рече Фидан.
„Се гледа крајот на патот на терористичката организација ПКК/ЈПГ и на нејзините ограноци во Сирија“, изјави Фидан за новинарите.
„Чистењето на сириската територија од тероризмот ќе биде главен приоритет на Туркије во 2025 година“, рече Фидан, посочувајќи дека примарна цел на сите терористички организации кои дејствуваат во овој регион отсекогаш била Туркије.
„Нормално, нашата земја ја води и најефикасната борба против тероризмот. Но, дозволете ми да го кажам ова јасно“, додаде тој.
Фидан ги повика земјите што „покажуваат пристрасен став“ во борбата против тероризмот да извлечат поука од неодамнешните терористички напади.
Додавајќи дека тероризмот нема религија или националност, Фидан ја истакна потребата сите да забележат дека терористичките организации не прават разлика меѓу Европа, Америка или Туркије.
Фидан, исто така, изјави дека Анкара ќе продолжи да се бори против ДЕАШ и ПКК со иста решителност, без никаква разлика.
„Ние, со Божја дозвола, ќе ја постигнеме нашата цел за Туркије без тероризам, на овој или оној начин“, рече тој.
„Ние го кажавме тоа повеќе пати. Не можеме да живееме со таква закана (од ПКК/ЈПГ). Или некој друг ќе преземе акција, или ние ќе преземеме нешто“, додаде тој.
Во врска со посетата на американскиот државен секретар на Париз, Фидан рече дека Туркије ги игнорира земјите што се обидуваат да ги унапредат сопствените интереси во Сирија користејќи ја американската моќ.
„Искрено не ги земаме предвид земјите (како Франција) што се обидуваат да ги унапредат своите интереси во Сирија користејќи ја моќта на САД, криејќи се зад нив“, додаде тој.
- Односи со соседнитe и регионалните земји -
Истакнувајќи дека регионот е уморен од војни и конфликти, Фидан ја нагласи потребата за траен мир, солидарност и соработка „повеќе од кога било“, додавајќи дека „духот на времето“ ги направи неопходни солидарноста, развојот и соработката.
Истакнувајќи дека Туркије е фокусирана на градење силни партнерства со своите соседи, продолжување на зајакнувањето на своите сојузи со многу земји во регионот, водење интензивна и проактивна дипломатија, Фидан рече дека Туркије станала „активен и почитуван меѓународен играч“.
Тој исто така изјави дека и покрај сите напади, провокации и пречки, Анкара ги брани правдата, хуманоста и правата преку својата политика за Сирија, што ја спроведува со стратешко трпение од 2011 година.
„Како некој кој интензивно работеше на Сирија во изминатите 13 години, гледањето на овој резултат е, се разбира, пријатно за сите нас. Можам да кажам дека нашата приказна за Сирија допрва почнува. Сирискиот народ сега се соочува со големи предизвици, особено во обновата на земјата“, рече тој.
„По падот на режимот на Асад во Сирија, Туркије брзо почна да ги поддржува напорите за обнова и развој на земјата, како што е отворањето на турската Амбасада во Дамаск во рок од една недела, активни институции кои работат на теренот“, рече Фидан, додавајќи дека елементите што ја формираат „главната оска“ на политиката на Анкара за Сирија и денес останува „главниот рецепт за стабилизација“ на земјата.
„Во оваа прилика би сакал да повторам дека главната оска на надворешната политика на Туркије е мирот, соработката, солидарноста и просперитетот. Туркије нема територијални амбиции кон ниту една земја, ниту пак, има скриени агенди“, додаде тој.
Наведувајќи дека Анкара ја крои својата политика во оваа насока, Фидан ги повика и регионалните и соседните земји да работат во оваа насока.
Тој ги повика регионалните земји да градат култура на соработка и развој во регионот, „наместо политики на притисок и засилување“.
Фидан изрази надеж дека во иднина процесот на транзиција во Сирија ќе биде завршен со сеопфатен пристап заснован на зачувување на територијалниот интегритет и единство на Сирија.
Тој истакна дека начелата на надворешната политика на Анкара не се фокусирани само на борбата против тероризмот, туку вклучуваат и поддршка на земјите кои се борат против тероризмот, наведувајќи дека Туркије не ги двои безбедноста и стабилноста на Ирак од нејзините.
Фидан исто така го истакна и позитивниот импулс во односите со Грција.
„Нашите разлики со Грција се решаваат во рамките на добро функционалните механизми за билатерален дијалог. Постапувањето во духот на добрососедството е корисно за двете земји и за регионот“, додаде тој.
Во врска со тековната геноцидна војна во палестинските земји, Фидан рече дека оставањето на Палестинците без земја и државјанство е „апсолутно неприфатливо“.
