Îşev Leyletul Qedr e

ANKARA

Li gor baweriya dînê îslamê Leyletul Qedra ku ji hezar mehan bixêrtir e, îro tê pîrozkirin.

Di dînê îslamê da Qur'ana Pîroz di şeva Qedrê da dest pê dike û nizûl dibe. Wisa tê qebûlkirin ku "di vê şevê da deriyên semayê tên vekirin, dia û tobe tên qebûlkirin". Di Qur'ana Pîroz da tenê behsa şevekê tê kirin, ew jî ev şev e.

Di Qurana Pîroz, "Sûreya Qedrê" da wiha behsa vê şevê tê kirin:

"Bê guman me ew (Qur'an) di Şeva Qedrê da nizûl kir. Tu çi dizanî ku Şeva Qedrê çi ye! Şeva Qedrê ji hezar mehan bi xêrtir e. Milyaket û Ruh (Cebraîl) di wê şevê da bi destûra Rebbê xwe ji bo her cure kar û baran tên ser rûyê erdê. Ew şev heta serê sibehê silametî û aramî ye."

Midûriya Giştî ya Xizmetên Dîn a Serokatiya Kar û Barên Diyanetê wê ji bo Şeva Qedrê çalakiyên curbecur li dar bixe.

Li Denizliyê wê li Mizgefta Ahmet Hulusî Efendî ya Zanîngeha Pamukkaleyê, li Enqereyê Mizgefta Millet a Beştepeyê, li Stenbolê Mizgefta Yavuz Selîm a li Taxa Cennetê, mizgefta Fatîh, mizgefta Kesk a Taşolukê û li Konyayê mizgefta Siltan Selîmê bernameyên taybet werin lidarxistin, Qur'ana Pîroz û mewlûd werin xwendin.