AAyê xwe gihand dîmenên êrîşa dijî Turkeviyê

Ajansa Anadoluyê (AA) xwe gihand dîmenên kameraya ewlehiyê ya êrîşa dijî Turkeviyê ya li New Yorkê.

Di dîmenan da tê dîtin ku yekî kincên reş li xwe kiriye û şewqeyekî reş daye serê xwe di destê wî da hesinek ber bi avahiyê Turkeviyê tê.

Êrîşkar hinekî li dû wesayîteke ku sekiniye xwe egle dike û paşê bi hesinê destê xwe va paceyan dişkîne.

Dî dîmenan da tenê êrîşkarek xuya dike.

- Bendê ne ku êrîşkar bê girtin

Konsolosê Tirkiyeyê yê New Yorkê Reyhan Ozgur der heqê êrîşa dijî Turkeviyê da daxuyanî dabû peyamnêrê AAyê û diyar kiribû ku di êrîşa dijî Turkeviyê da bi tenê xesara madî çêbûye û tu kes birîndar nebûye.

Konsolos Ozgur gotibû bûyer bi saeta herêmî di saet 03.14an da çêbûye, kesekî nasnameya wî nediyar nêzîkî Turkeviyê bûye û bi lewiyeya di dest xwe va li derî û paceyên Turkeviyê şikênandiye.

Ozgur diyar kiribû ku di êrîşê da 2 paceyên deriyê Konsolxaneyê û 10 camên eniyê bi tevahî 12 cam hatine şikandin û wiha dewam kiribû: "Di kêliya bûyerê da demildest Teşkîlata Polêsan a New Yorkê hat agahdarkirin û polês hatin cihê bûyerê. Êrîşkarê ku nasnameya wî ne diyar e, di êrîşê da lewyeya hesin hiştiye û çûye. Me ji miqamên herêmî ra got ku em li benda girtina êrîşkar in."

Ozgur daxuyandibû ku tesîra vê êrîşê wê li ser tûra duyem a Hilbijartina Serokomariyê çênebe.