Putîn: "Rûsya ji bo şer amadehiyê nake"

Serokê Dewleta Rûsyayê Vladimir Putîn got Rûsya amadehiyan nake ku bi kesî ra şer bike, ew hewl dide rewşeke baş ava bike ku şer neyê hişê tu kesî.

Putîn daxuyanî da ajansa TASSê û der barê çêkirina çekan da axivî.

Putîn got artêşa Rûsyayê artêşeke bihêz e û wiha axivî: "Em ji bo kesî ra şer bikin amadehiyan nakin. Ji bo ku fikra şer neyê hişê tu kesî em hewl didin şert û mercên hewce dikin çêbibin."

Di hevpeyvîna xwe da Putîn got di dîrokê da cara ewil Rûsyayê çeka li dinyayê tunebû çêkiriye û wiha dewam kir: "Amerîka dixwaze di mijara çekan da bigîhîje me. Di dîrokê da ev tu carê pêk nehat."

Putîn behsa Peymana Kêmkirina Çekên Stratejîk ên Nû (New START) ya di sala 2010an da di navbera Amerîka û Rûsyayê da hat îmzekirin kir û got hindik maye dema wê xilas bibe, divê ev peyman bê nûkirin.