Serokomarê Îranê Reîsî, Serokê HKIyê Barzanî qebûl kir

Serokomarê Îranê Îbrahîm Reîsî, Serokê Herêma Kurdistana Iraqê (HKI) Nêçîrvan Barzanî yê paytext Tehran ziyaret kir, qebûl kir.

Li gorî daxuyaniya nivîskî ya Serokomariya Îranê, di hevdîtinê da Reîsî diyar kir ku Îran dixwaze bi HKI û herêmê ra di her warî da peywendiyên baş pêk bîne û wiha got, "Em li bendê ne ku hikûmeta Iraqê û rêveberiya HKIyê bi awayekî teqez rê nedin ku xaka wan ji hêla unsûrên dijminê Siyonîst û komên dijî şoreşê li dijî Îranê bê emilandin."

Reîsî bal kişand ser peymana ewlekariyê ya ji hêla Îran û Iraqê hat îmzekirin û diyar kir ku ew hewla hikûmeta Iraqê û HKIyê ya cîbicîkirina peymanê teqdîr dikin û her wiha destnîşan kir ku di çarçoveya peymanê da divê li ser xaka Iraqê komên dijî Îranê neyên hewandin.

Serokê HKIyê Barzanî jî diyar kir ku ew dixwazin peymana navborî bi awayî bêyî kêmasî were cîbicîkirin û her wiha ew dixwazin digel Îranê peywendiyên ji berê baştir pêk bînin.

Barzanî her wiha diyar kir, ji bo ku ew li Iraqê welatekî murefeh û pêşketî ava bikin, ew li benda alîkariya Îranê ne.