Îsraîlê ji bo "cezayê îdamê" pêşnûmaya qanûnî amade kir

QUDIS

Wezîrê Dadê yê Îsraîlê Avîgdor Lîberman diyar kir ku ewê roja çarşemê pêşnûmaya qanûnî ya ku ji bo filistîniyan "cezayê îdamê" dixwaze bînin Knesset a Parlementoya Îsraîlê.

Lîberman di televizyona Îsraîlê da axivî û got ku wê pêşnûmaya qanûnî ya ji bo filistîniyên dijî hedef û armancên Îsraîlê tevdigerin cezayê îdamê tîne roja çarşemê wê bê meclisê.

Di berdewamiya axaftina xwe da Lîberman got ku ji bo erêkirin û yan jî redkirinê tura ewil wê çarşemê bê kirin û wiha pê da çû: "Qanûneke wiha di nav qanûnên Amerîkayê da jî heye. Ji ber vê jî tê tercihkirin ku Îsraîl li ser rêça pergala demokratîk a herî xurt a dinyayê here. Her terorîst û rêxistinên terorê yên dikevin girtîgehê bi armanca berdêlî dixwazin esker û sivîl bên revandin."

Pêşnûmaya qanûnî ji bo ku wek qanûn bê qebûlkirin divê di 3 tûrên parlementoyê da jî derbas bibe.

Li Îsraîlê cezayê Îdamê tuneye û ji ber vê jî bo sûcdaran bi sedan sal cezayê hepsê tê dayîn.