Gund bi gund digere û kesên nexweş tiraş dike

VAN

Serokê Komeleya Pêngavên Ciwan ya Muradiyeya navçeya Wanê Selçuk Yay mal bi mal digere û kesên astengdar û nexweş tiraş dike.

Yay daxuyaniyek da nûçegihanan û got ku ew hefteyê rojêkê diçe malan û kesên astengdar û nexweşên ku nikarin ji cihê xwe rabin ziyaret dike. Yay diyar kir ku eger hewcedariya wan hebe ew nexweşan li malên wan tiraş jî dike û wiha axivî:

"Çi ji destê me bê em wekî komele dibin arîkar. Niha em diçin mal û gundan kesên ku astengdar an jî nexweş û nikarin ji cihê xwe rabin tiraş dikin. Ew jî ji me re dia dikin."

Yay bi hevalên xwe ra çû gundê Beydagi û Nezîr Çelîkê 63 salî û nexweşiya KOAHê pê ra hebû ziyaret kir. Yay wiha got: "Em tenê tiraşê nakin. Mînak ev nexweşê mê hewcedariya wî bi tupa oksîjenê heye. Me ev nû zanî. Em ê biçin ji wî re tupeke oksîjenê û her wiha ji bo ku rihet razê jî nivînekê bînin."

Huseyîn Çelîkê 75 salî jî got ku dewlet li wî xwedî derketiye û ew ev 20 sal e di nav nivînan de ye. Çelîk wiha dewam kir: "Xwedê jê razî be, ev hevalê berber jî her hefteyê tê û por û rihê min kurr dike."