Qeraxên Gola Wanê bû studyoya siruştî ya bûk û zavayên nû

Qeraxên yekta yên Gola Wanê ji bo kesên ku wêneyên bûk û zavayên nû dikşînin bû studyoya siruştî.

Gola Wanê yek ji wan cihên guncaw e ku qulibîna tavê lê tê temaşekirin û dîmenên xweş lê dertên holê. Kesên ku wêneyên bûk û zavan dikşînin, qeraxên golê ji xwe ra kirin studyoya siruştî.

Kesên ku wêneyên bûk û zavan dikşînin, ji xwe ra qeraxê golê cihên guncaw neqandine û kifş kirine, li wê derê wêneya bûk zavayên nû dikşînin û dema wan a kêfxweş mayînde dikin.

Wênekêş Mustafa Ece diyar kir, li Tirkiyeyê qeraxên Gola Wanê yek ji wan cihên herî xweş e ku meriv qulibîna tavê lê temaşe dike.

Ece diyar kir, di demên dawîn da meriv êdî herî zêde dixwazin li derva wêneyan bikşînin û wiha dewam kir: "Bi vî rengê wêneyên xweşiktir û siruştîtir dertên holê. Qeraxên Gola Wanê jî ji bo cihê kişandina wêneyan cihên xweş in. Em wêneyên pir bedew û siruştî bi dest dixin."