Li Îpekyoluya navçeya Wanê Mehmet Şîrîn Îşkolê ku heta sala 2017an di kar û barên înşeatê da dixebitî 5 sal berê serî li projeya Cotkarê Ciwan a Wezareta Çandinî û Daristanê da û bû xwedî pez.
Îşkolê 43 salî ku 4 zarokên wî hene heta sala 2017an da kar û barê înşeatê dikir.
Wezareta Çandinî û Daristanê projeya Cotkarê Ciwan kiribû rewacê û Îşkol jî 5 sal berê serî lê da û 37 mî hilda û niha wan derxist 150yî.
Îşkol serê sibehê zû ji bo pezê xwe derxe çêrê derdikeve û şîr û berxan difiroşe û pê debara mala xwe dike.
- "Ez bûm xwedî karê xwe"
Îşkol daxuyanî da nûçegihanê AAyê û got ku serlêdana wî piştî qebûl bû bi saya projeyê jiyana wî guherî.
Di berdewamiya axaftina xwe da Îşkol wiha domand: "Ez berê di înşeatê da dixebitîm. Debara me bi zehmet bû. Bi saya projeyê min 37 mî hilda û niha ez xwedî karê xwe me. Ez gelek kêfxweş im û karê min jî baş diçe. Ez debara mala xwe bi vî karî dikim."
Bunyamîn Hakanê Midûrê Şaxa Rêxistinbûn û Pêşvebirina Gundewarî ya Midûriyeta Bajêr a Çandinî û Daristanê jî got ku Wan di qada heywandariyê da bajarekî baş e û li bajêr ji bo heywandarî zêdetir bê kirin ew hewl didin.
