Li Sirûcê di otomobîlê da pisûleyên dengan hatin dîtin

ŞANLIURFA

Li Sirûca navçeya Şanliurfayê di texsiya ku du kes tê da bûn û dixwest têkeve baxçeyê dibistanê da pisûleyên dengan hatin dîtin.

Li gor agahiya ku hat hildan, texsiya ku du kes tê da bûn, xwest ku têkeve baxçeyê Dibistana Seretayî û Navîn a Bîlgiyê. Polêsan hişyarî dayê ku nekeve baxçe. Gumanbaran guh neda polêsan û xwestin dewam bikin, lê paşê polêsan gule berda hewayê û texsî da sekinandin.

Hêzên asayîşê yên ku wek teqwiye sewqî herêmê kirin û ekîbên Şaxa Lêkolînkirina Cihê Bûyerê ya Midûriya Emniyeta Şanliurfayê, piştî ku ewlehiya der û dorê hildan, di texsiyê da lêkolîn kirin û tê da pisûleyên dengan ên mohrkirî dîtin. Herdu kesên ku di texsiyê da bûn û kesekî ku eleqeya wî bi bûyerê ra heye, hatin binçavkirin.

Bersûc birin Midûriya Emniyetê ya Navçeyê û lêkolîn tê kirin bê ka bersûcan çima xwest têkevin baxçeyê dibistanê.