Lîstikvanê navdar Erol Taş tê bibîranîn

ÎSTANBUL

Lîstikvanê sînema û rêzefîlmê Erol Taş ê ku di Yeşîlçamê da bi rolên "mêrikê xirab" dihat naskirin di 20emîn salvegera mirina xwe da tê bibîranîn.

Erol Taş di 28ê Sibata sala 1926an da li Erziromê hatibû dinyayê û piştî ku dibistana seretayî qedandibû spora boksê û sînemayê bala wî kişandibû. Piştî ku bavê wî wefat kir tevlî diya xwe barkir Stenbolê û dev ji dibistanê berda û bo debara malbata xwe di karên curbecur da xebitî.

Di sala 1947an da di qada spora boksê da bu duyemînê Stenbolê û him jî bu duyemînê Tirkiyeyê. Piştî ku ji esker vegeriya li Cankurtaranê di fabrîqeyeke ta da dest bi xebatê kir.

Di vê heyamê da tevlî sînemayê bû û di fîlman da fîguranî kir û bi rolên kurt cih girt. Ew cara ewil di fîlmê ku Mumtaz Alpaslan bi navê "Rojên Biêş" kişand da leyîst.

Paşê deriyê sînemayê lê vebû û di fîlmên wek "Efeyê Neh Çiyaayan", "Rêyên Bidirî", "Efeyê Rûpêçayî", "Şofêr Nebahat", "Min li Gund ji Keçikekê Hez Kir", "Dêlik" û "Ji Şevan Wêdetir" da bi rolên curbecur ji xwe ra cih dît.

Taş di piraniya fîlman da di rolên mêrikekî xirab ê bêrehm da dileyîst lê di jiyana xwe da bi rastî jî ji wan rolan gelek dur bû. Lewra xanima wî beriya wî wefat kiribû û ji ber vê jî wî ji sê zarokên xwe yên biçûk ra him dêyîtî û him jî bavîtî kir. Lewra ew ji wê rola ku di fîlman da dileyîst gelek dûr bû û di nav nas û dostên xwe da her tim wek mêrekî baş ê xwedî birehm dihat zanîn û wisa jî tê naskirin.

Erol Taş ê ku di sedan fîlmî da her carê bi rolekî cih girtibû di 8ê Sermaweza sala 1998an da ji ber dilrawestinê rakirin Nexweşxaneya SSKê ya Samatyayê û ew li wê derê digel hemû mudaxaleyan bi ser xwe da nehat û wefat kir.

Di rêzefîlmên di têlevizyonan da hatin weşandin da jî leyîst.

Fîlm û rêzefîlmên ku Taş tê da xwedî rolekî bû ev in:

- Çêwlika Xanimê Heyama Ewil 1990

-Sirgun (II) 1992

- Qawûşa Jinan 1989

-Hêza Xweliyê 1988

-Damezrandin / Osmancik 1987

-Axayê Biçûk Heyama Ewil 1983

-Dîla Xanim 1977

- Strana Dawî lê nayê 1976

-Cirm 1974

- Mûradê Reş: Fermana Fatîh 1973

- Yên Bi Ber Mirinê Va Baz Didin 1973

-Mûradê Reş: Fedaiyê Fatîh 1972

- Elî Baba û Çil Heramxwir 1971

-Mêrikê ji Rojava hatiye 1971

- Pêncên Rûpêçayî 1968

- Cumaliyê Zirav 1967

-Mirov Carek Dimire 1966

-Qanûna Hidûdan 1966

-Dijminê Nav Me 1965

-Eware 1964

-Havîna Hişkayî 1964

-Heyfa Meran (I) 1962

-Şofêr Nebahat 1960

-Efeyê Neh Çiyayan 1958