ئەردۆغان: "مێژوو لە ئەمریکا و ئیسرائیل خۆشنابێت"

ئەنقەرە - AA

سەرکۆماری تورکیا رەجەب تەیب ئەردۆغان گوتی: "(ئەمریکا) مێژوو لێت خۆشنابێت، ئەم راستییە دەبینین. لە ئیسرائیلیش خۆش نابێت ئەمەش دەبینین".

ئەردۆغان کە بەسەردانێکی فەرمی لە وڵاتی بەریتانیایە، لەگەڵ سەرۆکوەزیرانی ئەو وڵاتە تێرێزا مای کۆبووەوە و دواتر کۆنگرەیەکی رۆژنامەوانی هاوبەشیان سازکرد.

سه‌ركۆماری توركیا باسی لە گواستنەوەی باڵیۆزخانەی ئەمریکا بۆ قودس و کۆمەڵکوژییەکەی ئیسرائیل کرد لە غەزە و گوتی: "(ئەمریکا) مێژوو لێت خۆشنابێت، ئەم راستییە دەبینین. لە ئیسرائیلیش خۆش نابێت ئەمەش دەبینین".

سه‌ركۆمار ئه‌ردۆغان باسی لە كۆبوونه‌وه‌ نائاسایی رێكخراوی هاریكاری ئیسلامی کرد کە بڕیارە لە ئیستانبوڵ ئەنجامبدرێت و گوتی: ''په‌یامێكی زۆر گرنگ له‌ ئیستانبوڵه‌وه‌ ده‌ده‌ینه‌ جیهان''.

هاوکات ئەردۆغان داوایەکی ئاراستەی کۆمەڵگای مەدەنی و نەتەوە یەکگرتووەکان کرد و گوتی: " داوا لە کۆمەڵگای مەدەنی و نەتەوە یەکگرتووەکان دەکەم کات بەفیڕۆ نەدەن و هەرچی زووە کۆتایی بەو زوڵمە( لە فەڵەستین) بهێنن.

ئەردۆغان گوتی: "مەرجە کە هیچ هەنگاوێک بەفیڕۆ نەدرێت بۆ گەرەنتی وەرگرتنی رەوشی قودس جا چ بە بڕیاری نەتەوە یەکگرتووەکان بێت یاخود بە رێککەوتن لەسەر ئاستی نێودەوڵەتی".

سەرکۆماری تورکیا ئاماژەی بە ناردنەوەی باڵیۆزی وڵاتەکەی لە قودس کرد لەلایەن ئیسرائیلەوە و گوتی: "ئەم ئێوارەیە گوێبیستی پێشهاتێکی دیکە بووم. ئەوان (ئیسرائیل) بڕیاریان لەبارەی كۆنسوڵخانەی وڵاتەکەمان لە قودس دەرکردووە. ئەگەر ئەو بڕیارە بە ویستی ئێمە نەبێت. ئێمەش کاردانەوەی پێچەوانەمان دەبێت".