ئەردۆغان: "ناڵێم تورکیا سیستەمی بەرگریی S-٤٠٠ دەکڕێت، بەڵکو دەڵێم کڕیویەتی"

ئەنقەرە - AA

سەرکۆماری تورکیا، رەجەب تەیب ئەردۆغان رایگەیاند "ناڵێم تورکیا سیستەمی بەرگریی S-٤٠٠ دەکڕێت، بەڵکو دەڵێم کڕیویەتی. ئێمە ئەو کارەمان تەواو کردووە".

سەرکۆماری تورکیا، ئەردۆغان لەبارەی پڕۆژەی F-٣٥ یش گوتی: "لەگەڵ بەڕێز سەرۆک ترەمپ کۆتایی ئەم مانگە لە ژاپۆن دەبین و لەوێ کۆدەبینەوە. ئینشائەڵڵا ئەم پرسانە لەوێ رووبەڕوو باس دەکەین".

سەرکۆماری تورکیا، گوتیشی: "ئەو رێڕەوە تیرۆرەی کە دەیانەوێت بە درێژایی سنوورەکانمان لە سووریا دروستی بکەن، ھەروەک چۆن لە ھێڵی جەرابلوس-عەفرین و گۆڕەپانی باکووری عێراق شکاندمان، بەھەمان شێوە لە رۆژھەڵاتی فوڕات پارچە پارچەی دەکەین".