باڵیۆزی تورکیا لە عێراق: "پەکەکە بەڕوونی دیارە رێکخراوێکی تیرۆریستییە"

بەغدا - AA

باڵیۆزی تورکیا لە عێراق فاتیح یڵدز رایگەیاند کە رێکخراوی تیرۆریستی پەکەکە ئۆپۆزسیۆنی تورکی نیە بەڵکو رێکخراوێکی تیرۆریستی ئاشکرایە.

یڵدز لە تۆڕی کۆمەڵایەتی تویتەر روونکردنەوەیەکی بڵاو کردووەتەوە و دەڵێت، "ئەوانەی خۆیان بە دۆستی تورکیا لەقەڵەم دەدەن، ئەوانەی دۆستایەتی لە ئێمە چاوەڕێ دەکەن بانگەوازیان بۆ دەکەین. پێویست بە گوفتاری پێچاوپێچ ناکات لەبارەی پەکەکەوە. روون و ئاشکرا بن. پەکەکە پێکهاتەیەکی ئۆپۆزسیۆنی نیە. پەکەکە بەروون و ئاشکرا رێکخراوێکی تیرۆریستییە".

باڵیۆز یڵدز گووتەکانی بە "دۆست، دڵسۆز و روون و ئاشکرایە. بەهیوای مانەوە وەک دۆست" کۆتایی هێناوە.

سەرۆکی جوڵانەوەی سەدر، موقتەدا سەد، رۆژی رابردوو لە تۆڕی کۆمەڵایەتی روونکردنەوەیەکی بڵاو کردبوویەوە و بانگەشەی ئەوەی کردبوو کە رێکخراوی تیرۆریستی پەکەکە، "ئۆپۆزسیۆنی تورکیایە"، هاوکات هێرشەکانی سەر رێکخراوی تیرۆریستی لەعێراق ئیدانە کردبوو.