تورکیا.. لەئۆپەراسیۆنێکدا بۆ سەر فەتۆ لە ئەنقەرە ٣٨ کەس دەستگیرکران

ئەنقەرە - AA

لە چوارچێوەی لێکۆڵینەوە لە رێکخراوی تیرۆریستیی فەتحوڵڵاچی و پێکهاتەی دەوڵەتی هاوتەریب لە ئەنقەرە، ٣٨ کارمەندی پێشووی قوتابخانە و دەرسخانەکان، کە لەرێگەی بڕیارنامەیەک کە مامەڵەی یاسای لەگەڵدا دەکرێت، داخرابوون، دەستگیر کران.

دوای ئەوەی سەرۆکایەتی داواکاری گشتیی ئەنقەرە بە تۆمەتی بەکارهێنانی ئەپلیکەیشنی نهێنیی پەیوەندییکردنی 'بایلۆک'، فەرمانی دەستگیرکردنی بۆ ٣٨ گومانلێکراو دەرکرد، ئۆپەراسیۆنێک کە ناوەندەکەی لە ئەنقەرە بوو لە ٧ پارێزگا بۆ سەر ئەو کارمەندانەی پێشووی دامەزراوە داخراوەکان لەرێگەی بڕیارنامەوە، ئەنجامدرا.

دوای دەستگیر کردنیان، گومانلێکراوان بەمەبەستی لێکۆڵینەوە لەگەڵیاندا هێنرانە بەڕێوەبەرایەتی ئاسایشی ئەنقەرە.