په‌یوه‌ندیی ته‌له‌فۆنیی ئه‌ردۆغان و مه‌ی

ئیستانبوڵ - AA

سه‌ركۆماری توركیا، ره‌جه‌ب ته‌یب ئه‌ردۆغان په‌یوه‌ندییه‌كی ته‌له‌فۆنیی له‌گه‌ڵ سه‌رۆكوه‌زیرانی به‌ریتانیا، تێریزا مه‌ی ئه‌نجامدا.

به‌پێی ئه‌و زانیارییانه‌ی له‌ سه‌رچاوه‌كانی سه‌رۆكایه‌تیی كۆماره‌وه‌ وه‌رگیراوه‌، ئه‌مڕۆ په‌یوه‌ندییه‌ ته‌له‌فۆنییه‌كه‌ ئه‌نجامدراوه‌ و تیایدا په‌یوه‌ندییه‌ دووقۆڵییه‌كان، بابه‌ته‌ هه‌نووكه‌یی و ناوچه‌ییه‌كان تاوتوێكراوه‌.

ئه‌ردۆغان و مه‌ی به‌گرنگییه‌وه‌ باسیان له‌ په‌یوه‌ندییه‌ بازرگانی و ئابوورییه‌كان كردووه‌.

هه‌ردوولا رێككه‌وتوون له‌سه‌ر ئه‌وه‌ی له‌نزیكترین ده‌رفه‌تدا وه‌زیری گه‌نجینه‌ و دارایی توركیا، به‌رات ئاڵبایراك و هاوتا بەریتانییەکەی كۆببنه‌وه‌.

هاوكات له‌ په‌یوه‌ندییه‌ ته‌له‌فۆنییه‌كه‌دا، دواپێشهاته‌كانی ئیدلب بە تایبەتی و سووریا بە گشتی تاوتوێكراوه‌.