پەیامی سەرکۆماری تورکیا ئەردۆغان بەبۆنەی جەژنی رەمەزان

ئیستانبوڵ - AA

سەرکۆماری تورکیا، رەجەب تەیب ئەردۆغان پیرۆزبایی جەژنی رەمەزانی لە هاووڵاتیانی کرد و، رایگەیاند: ''داوا لە هەموو تاکێکی گەلەکەمان دەکەم جا لە هەر رەچەڵەک و لەسەر هەر باوەڕێکە ئەم جەژنی رەمەزانە بکەنە جەژنێکی برایەتی گەورە کە تیایدا ٨٥ ملیۆن یەکتر لە ئامێز بگرن و گەردن ئازادی بکەن''.

بەبۆنەی جەژنی رەمەزانەوە، سەرکۆماری تورکیا ئەردۆغان، پەیامێکی ڤیدیۆیی بڵاوکردەوە و پیرۆزبایی لە هاووڵاتیان کرد و، رایگەیاند: ''هیوادارم جەژن ببێتە مایەی ئاشتیی، ئارامیی و خۆشگوزارانی بۆ وڵات گەلەکەمان، جیهانی ئیسلامی و هەموو مرۆڤایەتیی''.

لە پەیامەکەیدا ئەردۆغان باسی لەوە کرد کە لەلایەک خەمباری لە بەڕێکردنی مانگی رەمەزان و لە لایەکی دیکەوە دڵ خۆشی گەیشتن بە جەژن کە سمبوولی گشت جوانیەکانی مرۆڤە، دڵەکانی پڕکردووە.

ئەردۆغان سوپاس و ستایشی خوای کرد کە گەلەکەی بە سەلامەتی و خۆشی گەیشت بە جەژنێکی دیکەی رەمەزان، جەختی لەسەر ئەوە کردەوە کە جەژنەکان یەکێتیی و پێکەوەیی بەهێز دەکەن.

هەروەها ئەردۆغان هیوای خواست جەژن ببێتە مایەی ئاشتیی، ئارامیی و خۆشگوزارانی بۆ وڵات و گەلەکەی و، جیهانی ئیسلامی و هەموو مرۆڤایەتیی و، رایگەیاند: ''داوا لە هەموو تاکێکی گەلەکەمان دەکەم جا لە هەر رەچەڵەک و لەسەر هەر باوەڕێکە ئەم جەژنی رەمەزانە بکەنە جەژنێکی برایەتی گەورە کە تیایدا ٨٥ ملیۆن یەکتر لە ئامێز بگرن و گەردن ئازادی بکەن''.