ئایفۆنی سوور به‌ڕێوه‌یه‌

نیویۆرك - AA

كۆمپانیای ئه‌پڵ رایگه‌یاند، مۆبایله‌كانی ئایفۆن 7 و 7 پڵه‌س به‌ كه‌ڤه‌ری سوور ده‌خاته‌ بازاڕه‌وه‌.

به‌پێی روونكردنه‌وه‌یه‌كی ئه‌پڵ، مۆدێلێكی نوێی مۆبایله‌كانی ئایفۆن 7 و 7 پڵه‌س به‌ كه‌ڤه‌ری سوور ده‌خاته‌ بازاڕه‌وه‌ و داهاته‌كه‌ی ده‌به‌خشێت به‌ رێكخراوی نێوده‌وڵه‌تیی Global Fund كه‌ بۆ به‌ره‌نگاربوونه‌وه‌ی ڤایرۆسی HIV و نه‌خۆشیی ئه‌یدس ته‌رخانی ده‌كات.

هه‌روه‌ها ئه‌پڵ رایگه‌یاندووه‌ مۆبایلێكی دیكه‌ به‌ناوی ئایفۆن SE كه‌ شاشه‌یه‌كی چوار ئینچی له‌سه‌ره‌ و بە توانای هەڵگرتنی 32 و 128 گێگابایت ده‌خاته‌ بازاڕه‌وه‌.