ئیدلب.. هێرشێکی رژێمی ئەسەد کوژرانی دوو مەدەنی لێکەوتەوە

ئیدلب - AA

رژێمی بەشار ئەسەد، هێرشی کردە سەر باخچەیەکی ساوایان لە پارێزگای ئیدلب باکووری رۆژئاوای سووریا و بەهۆیەوە دوو هاووڵاتی مەدەنی کە یەکێکیان بەڕێوەبەری باخچەکە بوو کوژران و سێ مامۆستاش برینداربوون.

هێزەکانی رژێم کە لە قەزای سەراقیب باشووری خۆرهەڵاتی ئیدلب جێگیرکراون و پێکهاتوون لە سوپای رژێم و گرووپە تیرۆریستەکانی لایەنگری ئێران، بە مووشەکی زەمین-زەمین هێرشیان کردە سەر بینای باخچەیەکی ساوایان.

بەپێی ئەو زانیارییانەی لە سەرچاوەکانی بەرگریی شارستانییەوە دەستکەوتووە لە هێرشەکەدا، دوو هاووڵاتی مەدەنی کە یەکێکیان بەڕێوەبەری باخچەکەیە کوژراوە و سێ مامۆستاش برینداربوون.

باس لەوەیش کرا کە برینداران گواستراونەتەوە بۆ نەخۆشخانەکانی ناوچەکە.