سەرکۆماری عێراق پیرۆزبایی لە جۆ بایدن دەکات

هەولێر - AA

سەرکۆماری عێراق، بەرھەم ساڵح پیرۆزبایی سەرۆکی هەڵبژێردراوی ئەمریکا، جۆ بایدن کرد.

بەرھەم ساڵح لە ھەژماری تایبەتی خۆی لە تۆڕی کۆمەڵایەتی تویتەر بە زمانی ئینگلیزی پیرۆزبایی ھەڵبژاردنی کاندیدی دیموکراتەکان جۆ بایدن-ی وەک سەرۆکی ئەمریکا کرد.

بەرھەم ساڵح نووسیوویەتی: "لە دڵەوە پیرۆزبایی لە سەرۆکی ھەڵبژێردراو جۆ بایدن دەکەم. ھاوبەشێکی متمانەپێکرا و ھاوڕێیەکی باشە لە رێگای بنیاتنانەوەی عێراقێکی باشتر".

بەرھەم ساڵح راشیگەیاندووە کە بە پەرۆشەوە چاوەڕێی پێکەوە کارکردن دەبین بەمەبەستی بەدیھێنانی ئامانجی ھاوبەش و بەھێزکردنی ئاشتی و سەقامگیری لە گشت رۆژھەڵاتی ناوەڕاست.