لە پاریس خۆپیشاندانێک بۆ داواکاری زیادکردنی مووچە بەڕێوەچوو

پاریس – AA

لە پاریسی پایتەختی فەڕەنسا کارمەندانی پیشە جیاوازەکان لە خۆپیشاندانێکدا داوای بەرزکردنەوەی مووچەکانیان کرد.

لەسەر بانگەوازی سەندیکاکان ژمارەیەک لە گرووپە پیشەییەکانی وەکو گواستنەوەی گشتی، پەروەردە و تەندروستی مانگرتنیان راگەیاند و بە گوێرەی هەڵاوسان داوای زیادکردنی مووچەکانیان کرد.

لەم چوارچێوەیەدا لە زۆربەی شارە جیاوزاەکانی وڵاتەکە خۆپیشاندان بەڕێوەچوو.

خۆپیشاندانەکەی پاریس لە کاتژمێر ١٤:٠٠ بە کاتی ناوخۆیی لە گۆڕەپانی ئیتاڵیا دەستیپێکرد و لە گۆڕەپانی ڤاوبان کۆتایی هات.

خۆپیشاندەرەکان درووشمی وەکو؛ "لەلایەن ماکارۆنێکەوە ئیدارەبدرێیت"، "قەیران لەسەر کێك"، "برۆنۆ لێ مایر (وەزیری ئابووریی فەڕەنسا) مووچەکەمان بدەرێ"یان هەڵگرتبوو.

لە کاتێکدا ماوە ماوە پێکدادان لە نێوان پۆلیس و خۆپیشاندەران درووست دەبوو، پۆلیس رێگری لە خۆپیشاندەران گرت کە بەربەست دابنێن و لە بەرامبەردا خۆپیشاندەران بەرد و شووشەیان دەگرتە پۆلیسەکان.

هاوکات ئاگر لە ژمارەیەکی زۆر تەنەکەی خۆڵ لەسەر رێگای رێپێوانەکە بەردرا و جامخانەی چەند دوکانێک و بۆردی رێکلامەکان شکێندرا.