پەیوەندی تەلەفۆنی لاڤرۆڤ و کیری لەبارەی سووریا

مۆسكۆ

لە پەیوەندییەكی تەلەفۆنیدا، وەزیری دەرەوەی رووسیا سێرگی لاڤرۆڤ و ھاوتا ئەمریكییەكەی جۆن كیری ئەو ھەنگاوانەیان تاوتوێ‌ كرد كە بۆ بەردەوامی ئاگربەستی سووریا پێویستە بھاوژرێن.

وەزارەتی دەرەوەی رووسیا بە نووسراوێك رایگەیاند كە لەسەر داوای ئەمریكا، پەیوەندییەكی تەلەفۆنی لە نێوان لاڤرۆڤ و كیری لەبارەی قەیرانی سووریا ئەنجامدراوە.

راشگەیەنرا كە لە گفتوگۆیەكەی ھەردوو وەزیرەكە، بەردەوامیدان بە ئاگربەست لە سووریا، گەیاندنی ھاوكاری مرۆیی بۆ لێقەوماوان لە سووریا و بەرەنگاربوونەوەی تیرۆر تاوتوێ كراوە.

لە نووسراوەكەدا ئاماژە بەوە كراوە كە ھەردوو وەزیرەكە ھاوڕا بوون لەسەر چارەسەركردنی قەیرانی سووریا بە بەشداری گشت لایەنەكان لە ژێر چەتری نەتەوە یەكگرتووەكان.

ھەروەھا لاڤرۆڤ و كیری باسیان لە قەیرانی ئۆكرانیا و جێبەجێ كردنی رێككەوتننامەی مینسك كردووە.