سێ‌ حیزبی كوردیی: سنوور داخه‌ن و رێمه‌ده‌ن گه‌نجانی كورد بچنه‌ سوریا

 

ئه‌و كه‌سانه‌ی خوازیاری داخستنی سنوورن، ئه‌مڕۆ یه‌كشه‌ممه‌ له‌شاری هه‌ولێر له‌به‌رده‌م بینای په‌رله‌مانی كوردستان كۆبوونه‌وه‌و داواكه‌یان دایه‌ په‌رله‌مان.

 

نه‌جیبه‌ عومه‌ر هاوسه‌رۆكی (پارتی چاره‌سه‌ری دیموكراتی كوردستانPÇDK) تێڕوانینی حیزبه‌كه‌یانی خسته‌ڕوو و بۆ (AA) گوتی "داوا له‌ به‌رپرسانی هه‌رێمی كوردستان ده‌كه‌ین رێبگرن له‌لێشاوی كۆچ و ره‌وی رۆژئاوای كوردستان، ئێمه‌ پێمان باشه‌ ئه‌و كۆمه‌ك و هاریكارییه‌ی بۆیان ده‌كرێته‌وه‌ له‌ناوچه‌كانی خۆیان پێشكه‌شیان بكرێ نه‌ك به‌و جۆره‌ وڵاتی خۆیان به‌جێ بهێڵن".

 

ئه‌و كه‌سانه‌ی گردبوونه‌وه‌كه‌یان ئه‌نجامدا لایه‌نگرانی هه‌ریه‌كه‌ له‌حیزبه‌كانی ( پارتی ئاشتی و دیموكراتیBDP، پارتی چاره‌سه‌ری دیموكراتی كوردستانPÇDK، پارتی یه‌كێتی دیموكراتیPYD).

 

ئه‌وان هه‌روه‌ها داوایانكرد حكومه‌تی هه‌رێمی كوردستان رێگری بكات له‌چوونی گه‌نجانی كوردستان بۆ سوریا تا تێكه‌ڵی چه‌كداره‌ ئیسلامییه‌كان ببن و به‌شداریی شه‌ڕ بكه‌ن له‌دژی كورد له‌سوریا.

 

پێشتر لایه‌نه‌ كوردییه‌كان دژی داخستنی سنووری به‌ڕووی كورده‌كانی سوریا، ناڕه‌زاییان ده‌ربڕی له‌حكومه‌تی هه‌رێمی كوردستان و خوازیاربوون هه‌رچی زووتره‌ بكرێته‌وه‌.