Mazın Asad
15 تشرینی دووەم 2017•نوێکردنەوە: 15 تشرینی دووەم 2017
ئیدلب - AA
ژمارەی ئەو کەسانەی بە ھۆی ھێرشەکەی سەر بازاڕی شاری ئەتارب سەر بە پارێزگای حەلەب باکووری سووریا کوژراون گەیشتە٦٣ کەس و ژمارەی بریندارەکانیش بۆ ١١٠ کەس بەرزبووەوە.
بەرپرسی بەرگری شارستانی رۆژئاوای حەلەب، محەمەد خەلاق رایگەیاند ژمارەی کوژراوەکان بە ھۆی ھێرشە ئاسمانییەکەوە بۆ ٦٣ کەس بەرزبووەتەوە.
محەمەد خەلاق ئاماژەی بەوەش دا کە لە ھێرشەکەدا، ١١٠ کەس بریندار بوون و ھێشتا چوار کەسیش بێسەروشوێنن و راشیگەیاند ھەڵمەتی فریاگوزاری کۆتایی ھاتووە.
راشیگەیاند ھەندێک لە بریندارەکان تەندروستیان ناجێگیرە.
