کۆبوونەوەی مەسرور بارزانی و وەزیری بارزگانیی و پیشەسازیی قەتەر

ھەولێر ــ AA

سەرۆکوەزیرانی ھەرێمی کوردستان، مەسرور بارزانی لە چوارچێوەی سەردانەکەی بۆ دۆحە لەگەڵ وەزیری بازرگانیی و پیشەسازیی قەتەر، محەمەد بن حەمەد ئال سانی کۆبوویەوە.

نووسینگەی رۆژنامەوانیی سەرۆکوەزیرانی ھەرێمی کوردستان بڵاوی کردەوە لە کۆبوونەوەکەدا پەرەپێدان بە پەیوەندییەکانی نێوان ھەرێمی کوردستان و قەتەر تاوتوێ کراوە، بەتایبەتی لە بواری بازرگانی و پیشەسازیدا .

راشیگەیاندووە کە ھەروەھا لەبارەی دەرفەتەکانی بەھێزکردنی ئاڵۆگۆڕی بازرگانیی لەنێوان ھەردوولادا، گفتوگۆکراوە.

دوێنێ چوارشەممە، سەرۆکوەزیرانی ھەرێمی کوردستان، مەسرور بارزانی بە یاوەری شاندێک گەیشتە دۆحە پایتەختی قەتەر.