Во Црна Гора два смртни случаи од коронавирусот

ПОДГОРИЦА (АА) - Во Црна Гора од коронавирусот Ковид-19 починаа двајца пациенти, јавува Агенција Анадолија (AA).

Од Општата болница во градот Беране наведоа дека пациентите биле лекувани во таа здравствена установа и дека умреле од здравствени компликации предизвикани од коронавирусот.

„Во Општата болница во Беране моментално има 26 пациенти заразени со коронавирусот. Здравствената состојба на двајца пациенти е витално загрозена“, изјавија од болницата.

Во Црна Гора од почетокот на јуни регистрирани се 517 заразени со коронавирусот, од кои седуммина починаа.