Потона брод со мигранти во Грција, починаа најмалку 12 лица

КОМОТИНИ

Најмалку 12 лица смртно настрадаа при потонување на брод на островот Пакси во Јонското Море, во западниот дел на Грција, јавува Агенција Анадолија (АА).

Се претпоставува дека на бродот се наоѓале околу 50 нерегуларни мигранти. Локалните медиуми наведуваат дека од бродот бил упатен повик за помош, по што екипите излегле на терен.

Спасувачките екипи успеаја да спасат 21 лице, а ги извлекоа и телата на 12 починати. И понатаму трае акцијата за пронаоѓање и спасување, бидејќи екипите не се сигурни колку лица се наоѓале на бродот.