Економскиот раст во еврозоната преполовен во вториот квартал

БРИСЕЛ (АА) - Официјалните бројки покажуваат дека економскиот раст во 19 земји што го користат еврото е преполовен во вториот квартал од оваа година. Сепак, ваквиот развој веројатно повеќе е резултат на намалувањето на субвенциите поради ниските цени на горивото и слабото евро, отколку на загриженоста по гласањето Велика Британија да ја напушти Европската Унија, јавува Anadolu Agency (AA).

Еуростат, агенцијата за статистика на Европската Унија, во петокот објави дека економскиот раст во блокот земји што ја користат единствената европска валута на квартална основа изнесуваше 0,3 проценти, во споредба со 0,6 отсто во првите три месеци од оваа година.

Во исто време, Еуростат наведе дека потрошувачките цени во еврозоната се зголемени за 0,2 отсто до јули оваа година, и за 0,1 отсто во претходниот месец. Се додава дека невработеноста во еврозоната во јуни остана непроменета и изнесува 10,1 отсто.