Бројот на заразени со коронавирус во светот надмина 185 милиони

АНКАРА

Од почетокот на пандемијата со коронавирусот во светот се заразени повеќе од 185 милиони луѓе, јавува Агенција Анадолија (АА).

Веб-страницата „Worldometer“ објавува ажуриран преглед на глобалната епидемиолошка ситуација од почетокот на пандемијата на Ковид-19, а според најновите податоци, бројот на случаите на заразување со коронавирусот во светот е зголемен на 185.013.361.

Досега во светот од последиците на заразување со коронавирусот починаа 4.002.677 лица, додека излекувани се 169.366.727 лица, кај кои претходно бил дијагностициран Ковид-19.

Пандемијата на Ковид-19 најтешко ги погоди САД, каде што се потврдени 34.598.361 случај на заразување.

Според бројот на заразените, по САД следуваат: Индија (30.619.932), Бразил (18.792.511), Франција (5.786.999), Русија (5.658.672), Турција (5.449.464), Велика Британија (4.930.534), Аргентина (4.552.750), Колумбија (4.375.861) и Италија (4.263.797).

Во светот сè уште има 11.644.238 активни случаи на заразување со коронавирусот.