Рускиот туристички сектор може да претрпи загуби половина милијарда долари

МОСКВА

Маја Ломидзе, претседателката на Унијата на руски тур-оператори (ATOR), изјави дека доколку до септември не се отворат дестинациите за одмор, во тој случај рускиот туристички сектор може да претрпи загуби и до 37 милијарди рубљи (приближно 475 милиони долари), јавува Агенција Анадолија (АА).

Ломидзе на прес-конференцијата организирана преку интернет даде проценка за состојбата во рускиот туристички сектор предизвикана поради пандемијата на новиот тип коронавирус Ковид-19.

Посочувајќи дека пандемијата на вирусот Ковид-19 ќе предизвика значителни загуби во рускиот туризам, Ломидзе истакна: „Според нашето оптимистичко сценарио, туристичките патувања во странство повторно ќе започнат во јули.“

Ломидзе изјави дека според песимистичкото сценарио, туристичките патувања нема да започнат пред септември, и додаде: „Доколку патувањата не започнат до септември, тогаш рускиот туристички сектор ќе претрпи вкупна загуба од 37 милијарди рубљи.“

Истакнувајќи дека руското Министерство за економски развој спроведува различни активости, вклучувајќи ги тука и загубите во туристичкиот сектор, Ломидзе изјави: „Компаните што се насочени кон внатрешниот туризам се малку во поповолна положба бидејќи продолжуваат со продажбата.“