Бројката на загинати во земјотресот што го потресе Мароко се зголеми на 2.946

РАБАТ (АА) -

Бројката на загинати од последиците на разорниот земјотрес што го потресе Мароко се зголеми на 2.946, а 5.674 лица се повредени, соопшти мароканското МВР, известува Анадолу.

Министерството за внатрешни работи на Мароко објави ажурирана информација за последиците од земјотресот што се случи ноќта на 8 септември.

Во соопштението се наведува дека досега се погребани 2.944 жртви на земјотресот.

Потврдено е дека бројот на загинати е зголемен на 2.946, а бројот на повредени на 5.674.

Земјотрес со јачина од седум степени според Рихтеровата скала се случи ноќта на 8 септември во Мароко, со епицентар во областа Ел-Хуз во Маракеш.

Покрај Маракеш, земјотресот ги погоди и главниот град Рабат и градовите Казабланка, Мекнес, Агадир и Фес.