Во Украина се сруши хеликоптер: Загинаа 2 лица

Во Николајевската област во Украина се сруши хеликоптер од типот „МИ-2“, при што загинаа две лица, пренесува Агенција Анадолија (АА).

Оваа информација преку соопштение ја потврди украинската Служба за итни состојби.

Во соопштението се нагласува дека хеликоптерот се срушил во близина на село Зајве кое се наоѓа во Николајевската област.

Се истакнува дека како резултат на оваа несреќа загинале пилотот на хеликоптерот, како и неговиот помошник.

Според соопштеното, се води истрага за откривање на причината за оваа несреќа.