Во Украина утре ќе се одржат парламентарни избори

КИЕВ (АА) - Во Украина, утре ќе се одржат парламентарни избори, откако претседателот Владимир Зеленски го распушти Парламентот, пренесува Anadolu Agency (AA).

Парламентот наречен „Верховна рада“ се состои од вкупно 450 места. Во согласност со Изборниот закон, 225 пратеници ќе бидат избрани од листата на кандидати на партиите, а другите пратеници од листата на „изборната единица“.

Во вкупно 26 региони од Крим контролирани од Русија и Донбас, кој е под контрола на сепаратистите, нема да бидат поставени гласачки кутии. Бидејќи во тие региони нема да има гласање, пратениците ќе бидат избрани од 199 региони.

На изборите ќе се применува прагот од 5 отсто.

Според најновите податоци на Централната изборна комисија на Украина, на изборите ќе се натпреваруваат вкупно 2.746 кандидати од листата на 22 политички партии.

Според анкетите, партијата на Зеленски, Слуга на народот, се очекува да добие 49,5 отсто од гласовите, проруската Опозициска платформа за живот се очекува да добие 10,5 отсто од гласовите, додека партијата на поранешниот претседател Петро Порошенко, Европска солидарност, се очекува да добие 7,7 отсто од гласовите.

Исто така, се очекува прагот од 5 отсто да го преминат и „Татковинската партија“ на поранешната премиерка Јулија Тимошенко, и партијата „Глас“ на солистот Светослав Вакарчук од рок-групата „Океан Елзи“.

По изборите, се истакнува дека партијата на Зеленски би можела да формира коалиција со партијата „Глас“ на солистот Светослав Вакарчук од рок-групата „Океан Елзи“ или со „Татковинската партија“ на поранешната премиерка Јулија Тимошенко.

Владимир Зеленски на претседателските избори што се одржаа во мај освои 73,22 отсто од гласовите. Веднаш по доаѓањето на функцијата потпиша декрет за распуштање на 8. состав на украинскиот Парламент и за одржување предвремени парламентарни избори на 21 јули.