Врховниот суд на Венецуела ја потврди изборната победа на Мадуро

БОГОТА (АА) - Врховниот суд на Венецуела денес пресуди дека претседателот Николас Мадуро победил на претседателските избори на 28 јули, јавува Анадолу.

Националните медиуми објавија дека избирачкиот совет на судот донел одлука за долго спорните изборни резултати меѓу владејачката партија и опозицијата.

Судот не утврди неправилности во резултатите објавени од Националниот изборен совет (ЦНЕ) на 29 јули, со што и официјално беше потврдена победата на Мадуро.

Судијката Карислија Беатрис Родригез рече дека извештаите на ЦНЕ се совпаѓаат со извештаите на избирачките места, усогласувајќи се со податоците на националните центри за броење.

Таа додаде дека по изборите имало голем сајбер напад врз системот на ЦНЕ.

Како највисок судски орган во Венецуела, Врховниот суд ја потврдува легитимноста на изборите.

Според резултатите на ЦНЕ од 29 јули, Мадуро освоил 51,2 отсто од гласовите, обезбедувајќи трет мандат. Кандидатите на опозицијата Едмундо Гонзалес и Марија Корина Мачадо ги отфрлија овие резултати.