Денес се очекува отворање на граничниот премин Рафа за ранетите од Газа

АНКАРА (АА) – Граничниот премин Рафа треба да биде отворен денес за да им се овозможи на повредените Палестинци да ја напуштат Газа и да се лекуваат во Египет, јавува Анадолу.

Директорот за медиуми на граничниот премин Рафа, Ваел Абу Мохсен, за Анадолу потврди дека преминот ќе биде отворен.

Таа најава ја потврди и челникот на властите во египетската област Северен Синај, Мухамед Шоша.

Тој рече дека болниците во Северен Синај се подготвени да ги примат ранетите Палестинци од Газа.

Граничниот премин Рафа е затворен од избувнувањето на судирот и почетокот на израелските напади во Појасот Газа, а беше отворен само накратко за да се овозможи минување на ограничени количини хуманитарна помош.