Загинаа две лица при пад на хеликоптер во Русија

МОСКВА (АА) - Најмалку две лица загинаа при пад на хеликоптер што се случи рано утринава во рускиот регион Тамбов, пренесува Anadolu Agency (AA).

Повикувајќи се на локални извори, руската новинска агенција ТАСС јавува дека станува збор за приватен хеликоптер чие исчезнување е пријавено доцна синоќа, во регионот кој се наоѓа околу 480 километри југоисточно од Москва.

Утринава, остатоците од хеликоптерот ги пронајдоа жителите на местото Кирсановски.

Надлежните спасувачки и полициски екипи се на теренот и во тек е истрага за причината на несреќата.