Израел изврши воздушен напад на рибарско пристаниште во Газа

ГАЗА (АА) - Израелските воени авиони извршија воздушен напад врз две позиции во Газа, јавува Anadolu Agency (AA).

Израел изврши напад врз воена позиција на Хамас во северниот дел на Газа и врз рибарско пристаниште во градот Деир ел Белах.

„Извршен е воздушен напад врз една воена позиција на Хамас во Газа и врз две бротчиња на Хамас“, се наведува во соопштението на израелската војска.

Во него се истакнува дека овој напад е извршен поради запаливите балони и проектил лансирани од Газа кон Израел, за што се наведува дека е одговорен Хамас.

Палестинската страна сѐ уште не даде изјава околу случајот и сѐ уште не се добиени информации околу можни жртви или повредени во нападот.

Израелската војска во последниот период врши напади во Газа како одговор против балоните и змејовите за кои се тврди дека се лансирани од Газа и носат запаливи материи.