Израелските воени авиони бомбардираа локации во Појасот Газа

ГАЗА (АА) - Израелски воени авиони утринава бомбардираа две локации во Појасот Газа, кои припаѓаат на бригадите „Изедин ал Касам“, военото крило на палестинската организација Хамас, јавува Агенција Анадолија (АА).

„Воени авиони гаѓаа две локации во централна и јужна Газа“, јави дописникот на Агенција Анадолија.

Палестинското Министерство за здравство не објави информации за жртви или повредени.

Израелските одбранбени сили (IDF) во објава на Твитер соопштија дека воздушните напади биле извршени како одговор на ракетниот напад врз јужниот израелски град Сдерот.

„Погодивме подземен комплекс во Газа што се користи за производство на ракетни мотори“, се додава во соопштението.

Истакнато е дека нападите им нанеле удар на способностите за производство на ракети во Газа.

Претходно, Израелските одбранбени сили соопштија дека сирените се огласиле по вторпат на југот на Израел, бидејќи нивниот систем за воздушна одбрана „Железна купола“ пресретнал четири ракети истрелани од Газа.