Иран: „САД покажаа флексибилност за продажбата на нафта“

ТЕХЕРАН (АА) - Заменик-министерот за надворешни работи на Иран, Абас Аракчи, изјави дека САД покажале одредена флексибилност во олеснувањето на санкциите врз иранскиот извоз на нафта, јавува Anadolu Agency (AA).

„Тој изјави дека прашањето било започнато на неодамнешниот состанок меѓу францускиот претседател, Емануел Макрон, и неговиот американски колега, Доналд Трамп, во рамките на самитот Г7 во францускиот град Бијариц“, соопшти официјалната новинска агенција ИРНА.

„Макрон се состана со Трамп за време на самитот Г7, при што американската страна покажа одредена флексибилност во лиценцирањето на иранската продажба на нафта“, рече тој.

„Ова е прекршување на американската политика за максимален притисок, и успех за иранската политика за максимален отпор“, додаде тој.

Тензиите меѓу САД и Иран се зголемија откако Вашингтон минатата година еднострано се повлече од нуклеарниот договор склучен во 2015 година. Договорот беше резултат на долготрајните преговори меѓу Техеран и петте постојани членки на Советот за безбедност на ОН, плус Германија и ЕУ.

САД оттогаш започнаа дипломатска и економска кампања за да го натераат Иран да преговара повторно за договорот. Како одговор на тоа, Техеран ги намали своите обврски во рамките на нуклеарниот договор.