Колумбија: Исчезна авион со седум лица

БОГОТА (АА) - И покрај сите потраги, од 1 мај нема вести за малиот авион што во Колумбија исчезна со седум лица во него, јавува Анадолу.

Сѐ уште нема трага од малиот авион HK 2803, за кој се верува дека се урнал во градот Сан Хозе во колумбискиот административен регион Гуавијаре.

Седум лица биле во малиот авион, чиј сигнал бил прекинат додека летал меѓу Аракуаро и Сан Хозе, потврдија официјални лица.

Цивилните и колумбиските воздухопловни сили изјавија дека потрагата е извршена во шумската област во близина на реката Апапорис, а ќе биде проширена кон регионот на Амазон.

Меѓу патниците имало и 11-месечно бебе и четиригодишно дете.

Властите побарале помош од домородните заедници што живеат во областа за да ги пронајдат остатоците од исчезнатиот авион.