Мировен самит во Каиро: „Го осудуваме меѓународниот молк за ситуацијата во Газа“

КАИРО (АА) - Мировниот самит во Каиро почна со учество на бројни лидери од арапските држави, светот и Обединетите нации (ОН), за да се дискутира за судирот меѓу Израел и Палестина, известува Анадолу.

Со самитот претседава лидерот на Египет, Абдел Фатах ел Сиси.

„Го осудуваме меѓународниот молк за ситуацијата во Газа и обидите за присилно раселување на Палестинците“, рече египетскиот лидер ел Сиси на самитот.

На самитот учествуваат и палестинскиот претседател Махмуд Абас, претседателот на Обединетите Арапски Емирати (ОАЕ) Мохамед бин Зајед Ал Нахјан, катарскиот емир Тамим бин Хамад ал Тани, кралот на Бахреин, Хамад бин Иса ал Калифа и јорданскиот крал Абдула Втори.

На самитот присуствува и генералниот секретар на ОН, Антонио Гутереш.

Најмалку 31 држава и три меѓународни организации го потврдија учеството на Мировниот самит во Каиро.