Палестинците во Газа готват на дрва поради недостиг на гориво и гас

Палестинците во Газа се принудени да готват на дрва поради недостиг на гориво и гас откако Израел го блокираше граничниот премин Карм Абу Салем, јавува Анадолу.

Во Хан Јунис многумина користат алтернативни методи за подготовка на храна бидејќи недостигот на енергенси ја влошува хуманитарната ситуација.

Поради рестрикциите, семејствата и малите бизниси се соочуваат со тешкотии во обезбедувањето основни продукти и топлинска енергија.

Ограничувањата во снабдувањето со гориво дополнително ја влошуваат кризата во енклавата, каде што жителите секојдневно се соочуваат со прекини на електричната енергија и недостиг на основни работи.