Парламентот на Украина го одобри назначувањето на Андриј Сибиха за нов министер за надворешни работи
Украинскиот пратеник Јарослав Железњак соопшти дека 258 парламентарци гласале за назначување на Сибиха за нов шеф на украинската дипломатија
![Парламентот на Украина го одобри назначувањето на Андриј Сибиха за нов министер за надворешни работи](https://cdnuploads.aa.com.tr/uploads/Contents/2024/09/05/thumbs_b_c_d7ba913e479652d53663aa20ab8adc76.jpg?v=161328)
ИСТАНБУЛ (АА) - Украинскиот Парламент денес го одобри назначувањето на Андриј Сибиха за нов министер за надворешни работи на земјата, што е прв чекор во најголемата реконструкција на Владата од почетокот на војната, јавува Анадолу.
Украинскиот пратеник Јарослав Железњак преку Телеграм соопшти дека 258 парламентарци гласале за назначување на Сибиха за нов шеф на украинската дипломатија.
Претходно, украинскиот претседател Владимир Зеленски поднесе предлог-закон до Врховната рада, украинскиот Парламент, за назначување на Сибиха, набргу откако Парламентот гласаше за оставката на Дмитро Кулеба, кој ја извршуваше функцијата од 2020 година.
Сибиха беше првиот заменик-министер за надворешни работи по напуштањето на функцијата заменик-шеф на Кабинетот на претседателот на Украина.
Пред тоа, Сибиха беше украински амбасадор во Анкара од 2016 до 2021 година.
Туркије долго време работеше на постигнување мир меѓу Русија и Украина, особено имајќи ги предвид нејзините силни врски со двете земји, а исто така служеше како гласен застапник на етничките турски Татари во земјата, кои многу страдаа од 2014 година, кога Русија незаконски го анектираше украинскиот Кримски Полуостров и пристанишниот град Севастопол.
- Реконструкција на Владата -
Железњак, истиот ден рече дека пратениците гласале и за смена на Ирина Верешчук, министерка за реинтеграција на привремено окупираните територии, и на Виталиј Ковал, шеф на Фондот за државна сопственост на Украина.
Претходното гласање за оставките на Верешчук и Ковал вчера не помина бидејќи не можеше да се постигне апсолутно мнозинство од 226 гласови.
Руслан Стефанчук, претседателот на Парламентот, во вторникот изјави дека добил оставки од неколку министри во украинската Влада од причини што допрва треба да се утврдат.
Еден ден подоцна, Стефанчук изјави дека го добил и писмото со оставката на Кулеба.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.