Периодичното прекршување на прекинот на огнот го нарушува мирот во источна Украина

КОСТИНТИВНИВКА (АА) - Проруските сепаратисти во источна Украина во текот на изминатиот ден продолжија со прекршување на прекинот на огнот со користење митралези и друго тешко вооружување, соопшти украинската Армија, пренесува Агенција Анадолија (АА).

Последното прекршување на прекинот на огнот се случи во близина на селото Причепиливка во Новоајдарскиот Реон, лоцирано на околу 50 километри северозападно од окупираниот Луганск - областа што е едно од неколкуте места на судири меѓу Русија и Украина, соопшти Командата на здружените сили на Вооружените сили на Украина.

Вчера беа пријавени 10 напади на различни позиции во Оперативната област на здружените сили.

Нападите се извршени во неколку села лоцирани западно од Луганск и јужно од Донецк, друг окупиран регион.

Еден украински војник е повреден при гранатирање кога украинските војници беа нападнати во близина на Причепиливка.

Специјалната набљудувачка мисија на ОБСЕ во Украина синоќа објави 132 прекршувања на примирјето, вклучително и 19 експлозии во Донецк меѓу 21 и 23 јануари.

Во истиот временски период, мисијата забележа 191 прекршување на примирјето, од кои 45 беа оценети како вежба со жив оган надвор од безбедносната зона во Луганск.

- Сепаратистите во источна Украина -

Ситуацијата во Донбас, регионот на судири меѓу украинските владини сили и проруските сепаратисти, останува тензична.

Русија е обвинета дека во близина на границата со Украина има концентрирано над 100.000 војници, потег што предизвика загриженост кај Западот дека Москва би можела да планира нова воена офанзива против својот поранешен советски сосед.

Кремљ ги негираше обвинувањата на Западот за претстојна инвазија, велејќи дека нивните сили се таму за вежби.

Во февруари 2014 година, руските сили влегоа на полуостровот Крим, а претседателот Владимир Путин формално го подели регионот на два посебни федерални субјекти на Руската Федерација следниот месец.

Турција, САД и Генералното собрание на ОН ја сметаат анексијата за нелегална.

Според ОН, во судирите меѓу украинските владини сили и проруските сепаратисти во регионот на Донбас од 2014 година се убиени над 13.000 луѓе.