Постојаната британска претставничка во ОН: „Турција е модерна демократија“

ЊУЈОРК (АА) - Постојаната претставничка на Велика Британија во Обединетите нации (ОН), Карен Пирс, истакна дека Турција е една модерна демократија и дека се надеваат оти оваа земја ќе го почитува владеењето на правото и законите, пренесува Anadolu Agency (AA).

Пирс, која е претседавач на Советот на безбедност на ОН за месец август, во изјава за телевизијата „Фокс њус“ зборуваше за актуелните теми.

Во врска со прашањето околу ставот против Турција на претседателот на САД, Доналд Трамп, кој бара да се ослободи американскиот свештеник Ендру Брансон, чиј судски процес во Турција е во тек, како и за случувањата меѓу двете земји, Пирс рече:

„Турција и САД се наши сојузници во НАТО. Високо ги цениме нашите односи со двете земји. Во минатото беа многу блиски. Ова е прашање што треба да се реши меѓу двете земји. Немав информации околу средбата на амбасадорот Болтон (советник за национална безбедност во Белата куќа) со турските амбасадори, но според мене треба да биде добар чекор напред“.

Запрашана дали ослободувањето на Брансон ќе ја олесни кризата меѓу двете земји, Пирс одговори: „Можеби. Мислам дека моментално во односите постојат и други проблеми. Мислам дека Турција е една модерна демократија, и се надеваме дека ќе го почитува владеењето на правото и законите. Во минатото, апелиравме за приведувања и независно правосудство. Мислам дека треба да продолжиме да работиме со Турција за некои судски прашања“.