Emre Gürkan Abay
28 Декември 2017•Ажурирај: 29 Декември 2017
МОСКВА (АА) - Рускиот претседател, Владимир Путин, истакна дека вчерашната експлозија што се случи во Санкт Петербург претставува терористички напад, јавува Anadolu Agency (AA).
Путин во изјава за медиумите во Москва нагласи дека им дал инструкции на безбедносните сили да преземат поостри мерки против тероризмот.
Рускиот претседател истакна дека во случај лицата да предизвикаат одредена закана кон безбедносните службеници, тие треба да бидат неутрализирани пред да бидат приведени.
„Вчера во Санкт Петербург беше извршен терористички напад. Федералната безбедносна служба во последниот период спречи уште еден обид за терористички напад“, додаде Путин.
Потсетуваме, вчеравечер во маркет во рускиот град Санкт Петербург, експлодираше рачно изработена експлозивна направа, при што беа повредени 13 лица.
Во соопштението на Рускиот истражен комитет беше наведено дека бомбата предизвикала експлозија слична на експлозијата од 200 грама динамит.
